Daeth Mark yn Aelod Cynulliad dros Orllewin Caerdydd ym mis Mai 2011. Roedd yn Gadeirydd Pwyllgor Iechyd a Gofal Cymdeithasol y Cynulliad o fis Gorffennaf 2011 – Mawrth 2013 a’r Pwyllgor Monitro Rhaglenni Ewropeaidd Cymru Gyfan o fis Gorffennaf 2011 – Mawrth 2013. Penodwyd yn Weinidog dros Iechyd a Gwasanaethau Cymdeithasol ym mis Mawrth 2013. Penodwyd yn Ysgrifennydd y Cabinet dros Gyllid a Llywodraeth Leol ym mis Mai 2016. Penodwyd Mark yn Ysgrifennydd y Cabinet dros Gyllid ar 3 Tachwedd 2017. Ar 12 Rhagfyr 2018 penodwyd Mark yn Prif Weinidog Cymru a daeth yn aelod o'r Cyfrin Gyngor ar 13 Chwefror 2019. Penodwyd Mark yn Brif Weinidog ar 13 Mai 2021.

Fe’i penodwyd yn Bennaeth Gwasanaethau i Gwsmeriaid a Digidol yn 2018. Cyn hyn, roedd yn Bennaeth Caffael yng Nghaerffili, a nawr mae Liz yn arwain tîm o 160 o weithwyr cyfwerth ag amser llawn sy’n gyfrifol am ddarparu’r holl wasanaethau Profiad Cwsmeriaid, Trawsnewid Digidol, Caffael a Llywodraethu Gwybodaeth. Mae Liz yn Gymrawd o’r Sefydliad Siartredig Prynu a Chyflenwi ac mae ganddi ddiddordeb mewn adfywio cymdeithasol ac economaidd drwy ddefnydd effeithiol o gaffael.

Ymunodd Kristen â Gwasanaeth Masnachol y Goron (CCS) yn 2013 ac mae wedi gweithio mewn rolau amrywiol ar draws y busnes yn ystod y 10 mlynedd diwethaf, gan gynnwys rheoli prosiectau, strategaeth fasnachol fframweithiau gwerth biliynau o bunnoedd a datblygu busnes. Dilynodd Kristen ei diddordeb yn yr amgylchedd yn ddiweddar ac ymgymerodd â swydd Pennaeth Cynaliadwyedd, gan weithio er mwyn datgarboneiddio’r gwariant blynyddol o £30 biliwn drwy’r CCS. Mae Kristen yn gweithio mewn cysylltiad agos â prynwyr yn y sector cyhoeddus, cyflenwyr a chyrff diwydiannol er mwyn helpu i gyflymu’r daith tuag at sero net erbyn 2050 fan bellaf. Mae gan Kristen gymhwyster MCIPS.

Charlene yw Pennaeth Cyflawni Polisi ar gyfer Cadwyni Cyflenwi a Chynnig Gwasanaeth yng Ngwasanaeth Masnachol y Goron, y sefydliad prynu cyhoeddus mwyaf yn y DU. Symudodd Charlene i’r maes polisi masnachol yn dilyn dros 12 mlynedd mewn rolau categori a masnachol yn y sector cyhoeddus. Yn ystod y cyfnod hwn bu’n gweithio gyda chydweithwyr yn Swyddfa’r Cabinet a’r Adran dros Dechnoleg Ddigidol, Diwylliant, y Cyfryngau a Chwaraeon i weithredu’r cynllun caffael peilot ar gyfer darparu gwerth cymdeithasol yn y CCS, a bu’n helpu i ddatblygu PPN 06/20 ar Werth Cymdeithasol i’r Llywodraeth Ganolog.

Mae Richard yn dod o Bont-y-pŵl ac mae’n Rheolwr Gyfarwyddwr Pro Steel Engineering ac yn Gadeirydd Cenedlaethol Sefydliad y Cyfarwyddwyr. Mae Richard yn un o noddwyr The Prince’s Trust, ac mae ganddo hefyd rôl allweddol fel Cadeirydd Pwyllgor Datblygu The Prince’s Trust - Cymru. Cafodd ei benodi’n Ddirprwy Raglaw Gwent ym mis Tachwedd 2021, ac mae wedi cyd-sefydlu Fforwm Economaidd Strategol Torfaen. Mae wedi ennill parch a chydnabyddiaeth sylweddol fel unigolyn dylanwadol yn y gymuned fusnes yng Nghymru. Mae dylanwad Richard yn ymestyn ymhellach gan ei fod newydd gael ei benodi’n Gyd-Gadeirydd Bwrdd Cwmbrân y Dyfodol, sy’n ceisio penderfynu sut y dylid gwario grant gwerth £20 miliwn a dderbyniwyd gan Lywodraeth y DU ar gyfer Cwm-brân drwy’r Cynllun Hirdymor ar gyfer Trefi.

Tony Chatfield yw Pennaeth Cadwyn Gyflenwi, Logisteg a Thrafnidiaeth GIG Cymru, ac mae’n gweithredu tîm o 400 o staff, gan ddarparu gwasanaethau Cadwyn Gyflenwi a Chymorth Logisteg Feddygol i GIG Cymru. Mae’r gwasanaethau’n cynnwys y Gadwyn Gyflenwi, Patholeg Glinigol, Logisteg Feddygol, yn ogystal â chymorth i swyddogaethau eraill GIG Cymru a Llywodraeth Cymru, gan gynnwys strategaeth fflyd i’r rheini nad ydynt yn gleifion, cynllunio trafnidiaeth a darparu gwasanaethau logisteg arbenigol (Risg Uchel) ar gyfer GIG Cymru. Rhyddhau Manteision Deunyddiau Traul Meddygol sy’n Gysylltiedig â Rheoli Clwyfau mewn Lleoliadau Gofal Iechyd

Mae Duncan Brown yn bennaeth peirianneg meddalwedd yn Neorfa Deallusrwydd Artiffisial Swyddfa’r Cabinet, lle mae’n arwain timau sy’n defnyddio deallusrwydd artiffisial a dysgu peirianyddol i ddarganfod ffyrdd o fynd i’r afael â phroblemau a arferai fod yn anhydrin ar draws y llywodraeth. Cyn hynny bu’n creu ac yn arwain y swyddogaeth beirianneg ar gyfer recriwtio athrawon yn yr Adran Addysg, ar ôl treulio degawd yn gweithio mewn egin fusnesau yn y diwydiannau cyhoeddi a thechnoleg addysg.

Rwyf wedi bod yn gweithio ym maes caffael y GIG ers dros 30 mlynedd gyda’r rhan fwyaf o fy ngyrfa wedi’i threulio yn sefydliadau caffael cenedlaethol Iechyd a Gofal Cymdeithasol Gogledd Iwerddon. Yn y blynyddoedd diwethaf rwyf wedi gweithio ar lefel uwch yn Ymddiriedolaeth GIG Ysbytai Prifysgol Nottingham ac mae fy rôl bresennol yn arwain Gwasanaethau Caffael o fewn GIG Cymru. Rwy'n gobeithio bod fy mhrofiad dros nifer o flynyddoedd o weithio mewn gwahanol amgylcheddau gwleidyddol a gweithredol yn y GIG wedi fy ngalluogi i ddatblygu ymdeimlad craff o'r hyn sy'n gweithio'n dda (a ddim mor dda). Edrychaf ymlaen at barhau â’r gwaith gyda’m cydweithwyr caffael ledled Cymru a thu hwnt i helpu i gwrdd â’r heriau presennol a niferus sy’n dod i’r amlwg lle gall ein proffesiwn wneud gwahaniaeth gwirioneddol i’n poblogaeth cleifion a’r gymdeithas ehangach.