Mae gan Rob 15+ mlynedd o brofiad ym maes cynaliadwyedd ac mae’n arwain gwasanaethau cymorth Net Zero sefydliadol Yr Ymddiriedolaeth Garbon. Mae wedi bod yn gweithio ochr yn ochr â chyrff cyhoeddus ar ddatblygu eu cynlluniau datgarboneiddio ers dros ddegawd, ac ef yw cyfarwyddwr prosiect rhaglen adrodd Net Sero Llywodraeth Cymru. Mae ganddo brofiad helaeth mewn cyfrifo carbon, gosod targedau, asesu prosiectau a chynlluniau gweithredu sero net.

Mae gan Rob gefndir mewn rheoli ynni, ac mae wedi cyflawni llawer o asesiadau dichonoldeb peirianneg ynni ac arolygon effeithlonrwydd ynni. Ar hyn o bryd mae Rob yn gweithio'n ddiflino ar ymdrechion datgarboneiddio cadwyn gyflenwi'r sector cyhoeddus. Mae’n cefnogi cyrff cyhoeddus i wella eu prosesau cyfrifyddu a rheoli carbon yn y gadwyn gyflenwi drwy ddatblygu dulliau caffael Sero Net y sector cyhoeddus.

Mae gan Kevin gefndir gwyddoniaeth a pheirianneg gyda graddau a hanes gyrfa mewn Daeareg, Ffiseg a Pheirianneg, ochr yn ochr â gyrfa ymarferol o 45 mlynedd, yn rhedeg cwmni adeiladu BBaCh ers ei arddegau.

Ar ôl mwy nag 20 mlynedd yn y sector preifat, yn gweithio i gwmnïau rhyngwladol, gwnaeth newid gyrfa llwyr drwy ymuno ag Awdurdod Datblygu Cymru i arwain Prosiect Hydrogen a Chelloedd Tanwydd Cymru cyn datblygu’r Rhaglen Ôl-osod er mwyn Optimeiddio ar gyfer tai Cymru, ac yn y pen draw symud i’w rôl bresennol yn Llywodraeth Cymru, yn gyfrifol am adrodd ar allyriadau a chyflawni’r prosiect gwres carbon isel yn y sector cyhoeddus.

Keir Warner yw’r Pennaeth Caffael ar gyfer Partneriaeth Integredig Bae Abertawe. Mae’r briff hwn yn cynnwys cyfrifoldeb Caffael Rheng Flaen am Fwrdd Iechyd Prifysgol Bae Abertawe, a chyfrifoldeb Cyrchu Cenedlaethol am Ddarpariaethau, Gwasanaethau Gwesty a Chynnal a Chadw Radioleg.

Mae Keir, sydd â dros 18 mlynedd o brofiad ym maes caffael, wedi darparu contractau cymhleth ac uchel eu gwerth, gan ganolbwyntio ar gaffael cynaliadwy. Ymhlith diddordebau proffesiynol eraill Keir mae dysgu a datblygu, a gwelliant parhaus.