Mae gan dimau caffael mwy o ddata nag erioed o’r blaen – ond mae ei ddefnyddio’n effeithiol yn allweddol. Mae’r sesiwn hon yn archwilio sut gall dadansoddeg sbarduno proses well o wneud penderfyniadau, lleihau risg, a chanfod cyfleoedd i arbed arian.

Mae perthnasoedd cryf rhwng prynwyr a chyflenwyr yn gwella canlyniadau, yn lleihau anghydfodau, ac yn meithrin arloesedd. Mae'r panel hwn yn rhannu cyngor ymarferol ar gyfer meithrin y perthnasoedd hyn yng nghyd-destun caffael cyhoeddus.

Y diweddaraf am raglen Cyd, gan archwilio’r hyn a gyflawnwyd hyd yma, yr effaith ar y gymuned gaffael, a’r blaenoriaethau ar gyfer y cam nesaf.

Gyda galw cynyddol am weithwyr proffesiynol medrus, mae caffael yn cynnig llwybrau gyrfa gwerth chweil. Mae'r sesiwn hon yn amlinellu cyfleoedd dilyniant, sgiliau y mae galw amdanyn nhw, a chyngor i'r rhai sy'n bwriadu dechrau neu symud ymlaen yn y maes.

Mae caffael yn chwarae rôl allweddol wrth gefnogi Deddf Llesiant Cenedlaethau’r Dyfodol. Mae’r sesiwn hon yn archwilio sut gall penderfyniadau prynu ysgogi llesiant cymdeithasol, economaidd, amgylcheddol a diwylliannol hirdymor.

Mae’r sesiwn hon yn bwrw golwg ar gaffael amddiffyn, gan dynnu sylw at gyfleoedd i gyflenwyr a darparu cyngor ymarferol ar gyfer llywio prosesau'r sector.

Mae amcanion clir yn allweddol i gyflawni cyfrifoldeb cymdeithasol drwy gaffael. Mae'r sesiwn hon yn egluro sut i bennu, mesur a monitro amcanion sy'n sbarduno effaith go iawn.