Arddangosfa Micro-fusnesau, BBaCh a'r Trydydd Sector

Arddangosfa Micro-fusnesau, BBaCh a’r Trydydd Sector (Arddangosfa MST)

Yn ei thrydedd flwyddyn eleni, crëwyd Arddangosfa MST Procurex Cymru er mwyn galluogi timau caffael i archwilio cyfleoedd newydd i ehangu eu cadwyni cyflenwi i gynnwys mwy o fusnesau bach a micro-fusnesau, yn ogystal â mentrau cymdeithasol, elusennau a sefydliadau di-elw yng Nghymru.

Wedi’i threfnu gan Lywodraeth Cymru – mewn partneriaeth â Busnes Cymru a Busnes Cymdeithasol Cymru – mae Arddangosfa 2026 yn cynnwys 10 sefydliad a ddewiswyd yn ofalus, sy’n cwmpasu amrywiaeth o sectorau, ac sydd wedi darparu cynnyrch a gwasanaethau o safon uchel yn llwyddiannus fel rhan o gadwyni cyflenwi’r sector cyhoeddus.

Nod yr Arddangosfa yw:

1. 1 Dangos sut y gall sefydliadau llai weithio’n effeithiol i ychwanegu gwerth at raglenni caffael cyhoeddus arloesol.
2. 2 Hwyluso sgyrsiau rhwng arddangoswyr, prynwyr y sector cyhoeddus a phartneriaid yr Arddangosfa ynghylch atebion ymarferol ar gyfer cyflawni caffael effeithiol a chyfrifol yn gymdeithasol.
3. 3 Creu cyfleoedd i arddangoswyr yr Arddangosfa adrodd eu straeon, codi eu proffil a sicrhau contractau cyhoeddus newydd neu drefniadau cyflenwi newydd.

*Mae Arddangosfa MST wedi’i lleoli ar ochr dde’r neuadd arddangos, rhwng Ardaloedd Datblygu Sgiliau Dyfodol Caffael a Datblygu Sgiliau Arloesedd Digidol mewn Caffael.