Mae’r fframwaith TCMau Cymreig (Themâu, Canlyniadau a Mesurau) yn darparu ffordd gyson o fesur ac adrodd ar werth cymdeithasol ym maes caffael. Mae’r sesiwn hon yn cynnig canllawiau ymarferol ar ddefnyddio’r TCMau i ymgorffori gwerth cymdeithasol o'r cychwyn cyntaf, cadw golwg ar y ddarpariaeth, a dangos effaith.

Arbenigwyr o bob sector sy’n trafod sut mae uchelgeisiau sero net Cymru yn cael eu trosi'n gamau caffael go iawn. Mae'r panel hwn yn archwilio ymgysylltu â chyflenwyr, gofynion contractau, a dulliau cydweithredol o ddatgarboneiddio cadwyni cyflenwi.

Yn y sesiwn hon, bydd Tata Steel yn rhannu sut mae ei fuddsoddiad trawsnewidiol ym Mhort Talbot yn ymgorffori cynaliadwyedd wrth wraidd ei waith. O hyrwyddo cynhyrchu dur carbon isel i gefnogi seilwaith ynni gwyrdd a meithrin cyfleoedd cadwyni cyflenwi lleol, bydd yr astudiaeth achos hon yn dangos sut gall buddsoddiad strategol sicrhau manteision amgylcheddol, cymdeithasol ac economaidd hirdymor.

Mae datgarboneiddio fflyd o gerbydau yn allweddol i dargedau cynaliadwyedd y sector cyhoeddus. Mae'r sesiwn hon yn archwilio trawsnewidiad fflyd cerbydau trydan o'r dechrau i'r diwedd, gan gwmpasu heriau cynllunio, seilwaith, cyllido a chaffael.

Gall fframweithiau fod yn offer pwerus ar gyfer cyflawni gwerth cymdeithasol, ond mae angen cynllunio clir a chanlyniadau y gellir eu mesur er mwyn llwyddo. Mae'r sesiwn hon yn rhannu dulliau ymarferol o ymgorffori gwerth cymdeithasol i gytundebau fframweithiau.

Ni ddylai cynaliadwyedd ddod i ben wrth ddyfarnu’r contract. Mae'r sesiwn hon yn archwilio sut i ymgorffori egwyddorion gwyrdd, o ddatblygu tendrau hyd at reoli contractau, gan sicrhau bod ymrwymiadau amgylcheddol yn cael eu cyflawni’n ymarferol.

Gall cydweithio ar draws sefydliadau a sectorau gyflymu cynnydd sero net. Mae'r sesiwn hon yn tynnu sylw at enghreifftiau o fentrau caffael ar y cyd sy'n cyflawni gostyngiadau carbon yng Nghymru.